दोस्रो त्रैमासमा वाणिज्य बैंकहरूको खुद नाफा घट्यो, कुन बैंकको कति?

बिजनेस न्युज

सोमबार, माघ ७ २०८१

दोस्रो त्रैमासमा वाणिज्य बैंकहरूको खुद नाफा घट्यो, कुन बैंकको कति?

काठमाडौं- चालु आर्थिक वर्षको दोस्रो त्रैमासमा वाणिज्य बैंकहरूले करिब २७ अर्ब ४४ करोड खुद नाफा गरेका छन्। गत वर्षको तुलनामा बैंकहरूको खुद नाफा करिब ४.६ प्रतिशतले घटेको छ।

गत वर्षको यसै अवधिमा बैंकहरूले करिब २९ अर्ब खुद नाफा गर्न सफल भएका थिए। राष्ट्र बैंकले प्रोभिजनिङ बढाएकाले बैंकहरूको नाफा घटेको हो।

चालु आर्थिक वर्षको दोस्रो त्रैमासमा नबिल बैंकले सबैभन्दा धेरै ३ अर्ब २४ करोड खुद नाफा गर्न सफल भएको छ। यस्तै दोस्रोमा रहेको ग्लोबल आईएमई बैंकले ३ अर्ब ५ करोड खुद नाफा गरेको छ।

नेपाल इन्भेष्टमेन्ट मेगा बैंक २ अर्ब ८३ करोड खुद नाफा गर्दै तेस्रो स्थानमा रहेको छ। यस्तै एभरेष्ट बैंकले २ अर्ब ७ करोड, एनएमबि बैंकले २ अर्ब, प्राइम कमर्सियल बैंकले १ अर्ब ८७ करोड, स्टाण्डर्ड चार्टर्ड बैंकले १ अर्ब ६४ करोड, हिमालयन बैंकले १ अर्ब ५२ करोड रुपैयाँ, प्रभु बैंकले १ अर्ब ३४ करोड रुपैयाँ खुद नाफा गरेका छन्।

सानिमा बैंकले १ अर्ब १९ करोड रुपैयाँ, लक्ष्मी सनराइज बैंकले १ अर्ब १६ करोड रुपैयाँ र कृषि विकास बैंकले करिब ९६ करोड खुद नाफा गरेका छन्।

यसैगरी नेपाल एसबिआई बैंकले ९० करोड रुपैयाँ, माछापुच्छ्रे बैंकले ८० करोड रुपैयाँ, राष्ट्रिय वाणिज्य बैंकले ७६ करोड रुपैयाँ, सिटिजन्स इन्टरनेशल बैंकले ६६ करोड रुपैयाँ, सिद्धार्थ बैंकले ५३ करोड रुपैयाँ खुद नाफा गरेका छन्।

कुमारी बैंकले २७ करोड ५७ लाख रुपैयाँ र एनआइसी एसिया बैंकले १५ करोड १७ लाख रुपैयाँ खुद नाफा गर्दै पुछारमा रहेका छन्।

दोस्रो त्रैमासमा हिमालयन बैंकले गर्‍यो १ अर्ब ५१ करोड खुद नाफा, अन्य सूचक कस्तो?