काठमाडौं- चालु आर्थिक वर्षको दोस्रो त्रैमासमा प्रभु बैंकले १ अर्ब ३३ करोड रुपैयाँ खुद नाफा गरेको छ। गत वर्षको यसै अवधिमा बैंकले ७२ करोड रुपैयाँ खुद नाफा गरेको थियो।

यस अवधिमा बैंकको खुद ब्याज आम्दानी गत वर्षको यस अवधिको तुलनामा करिब १० करोड रुपैयाँले बढेको छ। गत वर्षको यस अवधिमा बैंकको खुद ब्याज आम्दानी ४ अर्ब ७६ करोड रहेकोमा यस वर्ष ४ अर्ब ८६ करोड रुपैयाँ पुगेको छ।

गत वर्षको तुलनामा बैंकले इम्पियरमेन्ट चार्ज घटाएकाले खुद नाफा बढेको हो। गत वर्ष १ अर्ब २४ करोड रुपैयाँ रहेको बैंकको इम्पियरमेन्ट चार्ज यस वर्ष घटेर ८१ करोड ४२ लाख रुपैयाँ कायम भएको छ। 

यस अवधिमा बैंकको खराब कर्जामा बढेको छ। गत वर्षको पुस मसान्तमा ४.९० प्रतिशत रहेको बैंकको खराब कर्जा बढेर ५.०६ प्रतिशत पुगेको छ।

यस्तै बैंकको वितरणयोग्य घाटा १ अर्ब ८६ करोड रुपैयाँबाट बढेर ३ अर्ब ३३ करोड रुपैयाँ कायम भएको छ।