काठमाडौं- बजेटमा कृषिलाई प्राथमिकतामा राखेको भनिए पनि त्यो एउटा निबन्धजस्तो मात्र भएको र वास्तविक रूपमा किसानले फाइदा लिने अवस्था नभएको सांसद हृदयश त्रिपाठीले बताएका छन्। 

बिहीबार संसदमा भएको छलफलमा विषेष समय लिएर सांसद त्रिपाठीले मुलुकमा रासायनिक मल हाहाकार हुँदा पनि सरकारले ध्यान दिन नसकेको आरोप लगाए। उनले यस्तै अवस्था रहेमा यसपाली धानको उत्पादनसमेत घट्ने बताए। 

सांसद त्रिपाठीले प्रहरीका घुमुवाले गाउँ गाउँमा विचौलिकाको काम गरिरहेको पनि जिकिर गरे। 'मल अभावले गर्दा किसानहरूमा हाहाकार छ। सीमावर्ती किसानले भारतबाट ल्याउने मल भारतीय पुलिसको प्रताडना सहेर यता फेरि नेपाली प्रहरीको प्रताडना सहनु परिरहेको छ। प्रहरीले विचौलियालाई सहयोग गर्नेगरी काम गर्नु भएन' उनले भने। 

बजेटमा कृषि : अंकको ‘ग्ल्यामर’ मात्र