काठमाडौं- गैरआवासीय नेपालीहरूको तीन पुस्तासम्मलाई दोहोरो नागरिकता दिनुपर्ने पूर्वप्रधानमन्त्री बाबुराम भट्टराईले बताएका छन्।
प्रतिनिधिसभामा बुधबार विनियोजन विधेयकका सिद्धान्त र प्राथमिकतामाथि भइरहेको छलफलमा उनले एनआरएनएहरूको तीन पुस्तासम्मलाई दोहोरो नागरिकता दिनुपर्ने पनि बताएका हुन्।
नेपालमा गैरआवासीय नेपालीहरूलाई लगानी गर्न प्रोत्साहन गर्नुपर्ने पनि पूर्वप्रधानमन्त्री भट्टराईले बताए।
'विश्वमा हेर्ने हो भने एनआरएनले लगानी गरेर मात्रै देशमा औद्योगिक क्रान्ति सफल भएको छ। नेपालमा पनि उनीहरुलाई लगानी गर्न प्रोत्साहन गर्नु पर्छ' उनले भने, 'यसले नेपालबाट उनीहरूले सम्पति बेचेर लैजाँदैनन्। बरु नेपालमै लगानी गर्छन्। यसबाट नै नेपालमा औद्योगिक क्रान्ती सफल हुन्छ।'
'दोहोरो अंकको आर्थिक वृद्धिदर दुई दशक' आजको आवश्यकता हो : बाबुराम भट्टराई
