काठमाडौं- बैंकर्स संघका अध्यक्ष सुनिल केसीले ब्याजदरको विषय अब संघले निर्धारण नगर्नेगरी अगाडि बढाएको बताएका छन्।
केही समय अगाडि समस्या आएकाले ब्याजदर तोक्ने काम गरिएको तर अब साउनदेखि रोकिएको उनले बताए। अब ग्राहकलाई रोजाइ थपिएको अध्यक्ष केसीको भनाइ छ।
अध्यक्ष केसीले नेपाल राष्ट्र बैंकले सार्वजनिक गरेको चालु आर्थिक वर्षको मौद्रिक नीति सन्तोषजनक नै भएको समेत बताएका छन्। अहिले नयाँ नीतिहरु समेत आएकाले धेरै विषयहरु सुधारको बाटोमा लागेको देखिएको उनले बताए।
बाह्य क्षेत्रको सुधारले पनि मौद्रिक नीतिमा केही विषयहरु खकुलो बनाएकाले सकारात्मक विषय आएको उनले बताए।