काठमाडौं- पछिल्लो दश वर्षमा आफ्नै घरमा बसोबास गर्ने परिवारको हिस्सा बढेको पाइएको छ। राष्ट्रिय जनगणना २०७८ को तथ्यांक अनुसार पछिल्लो दश वर्षमा आफ्नै घरमा बस्ने परिवारको हिस्सा बढेको हो।

पछिल्लो जनगणना अनुसार नेपालमा कुल ६६ लाख ६० हजार ८४१ परिवार रहेका छन्। यीमध्ये कूल ८६ प्रतिशत आफ्नै घरमा बसोबास गर्छन्।

२०६८ सालको जनगणनामा यस्तो हिस्सा जम्मा ८५ प्रतिशत थियो।

पछिल्लो दश वर्षमा भाडामा बसोबास गर्नेहरूको सख्या वृद्धि भए पनि हिस्सा भने स्थिर देखिएको छ। २०७८ मा कूल परिवारमध्ये १२.८ प्रतिशत परिवार भाडामा बसोबास गर्ने गरेको पाइएको छ। २०६८ सालमा पनि भाडामा बस्ने परिवारको हिस्सा १२.८१ प्रतिशत नै थियो।

२०७८ सालको जनगणना अनुसार यो ०.६ प्रतिशत परिवार संस्थागत घरमा बसोबास गर्ने गरेको पाइएको छ भने ०.७ प्रतिशत अन्य प्रकारका हाउजिङ युनिटमा बसोबास गरिरहेका छन्। 

२०६८ देखि २०७८ को मंसिरसम्मको बीचमा नेपालमा २३ प्रतिशत परिवार संख्या बढेको छ। २०६८ सालमा नेपालमा कूल ५४ लाख २३ हजार २९७ परिवार थिए। 

परिवार संख्यामा वृद्धि र परिवारको औसत आकार भने घटेको छ। २०६८ को तुलनामा २०७८ मा परिवारको आकार घटेको पाइएको छ। 

२०६८ मा परिवारको औसत आकार पाँच जनाभन्दा बढीको सदस्य थियो। तर २०७८ मा आएर ४.३७ जना रहेको छ। पहाडी क्षेत्रमा सबैभन्दा सानो परिवार आकार औसत ३.९९ जना र सबैभन्दा ठूलो परिवार आकार रौतहट र सानो गोरखामा रहेको छ।

देशभर ६.३ प्रतिशत घर खाली नेपालको जनसंख्या २ करोड ९१ लाख ६४ हजार ५ सय ७८ १० वर्षभन्दा माथिको जनसंख्यामा ६५.५ प्रतिशत व्यक्ति आर्थिक रुपले सक्रिय देशभर ५१ प्रतिशत परिवार खाना पकाउन प्रयोग गरिरहेका छन् काठदाउरा