काठमाडौं- बुधबार नेपाली बजारमा सुनको मूल्य तोलामा ४ सय रुपैयाँले घटेको छ। मंगलबार बढेको सुनको मूल्य बुधबार घटेको हो।
बुधबारका लागि छापावाल सुनको मूल्य प्रतितोला ८९ हजार ९ सय रुपैयाँ तोकिएको छ। मंगलबार सुन प्रतितोला ९० हजार २ सय रुपैयाँमा कारोबार भएको थियो।
चाँदीको मूल्य भने दुई दिनदेखि स्थिर छ। मंगलबार ११ सय ६० रुपैयाँमा कारोबार भएको चाँदीको मूल्य बुधबारका लागि पनि त्यति नै कायम भएको नेपाल सुनचाँदी व्यवसायी महासंघले जनाएको छ।
