काठमाडौं- विद्युत नियमन आयोगले अपि पावर कम्पनीलाई हकप्रद जारी गर्न अनुमति दिएको छ। कम्पनीले चुक्ता पूँजीको ३९.३६ प्रतिशत हकप्रद सेयर निष्काशनको अनुमति माग्दै आयोगमा निवेदन दिएको थियो। कम्पनीले दसैँलगत्तै जारी गर्ने तयारी गरेकाे छ। 

गत भदौ ३० गते आयोगमा पेश गरेको प्रस्तुतीकरण र असोज ६ गते पेश गरेको थप कागजजातको आधारमा हकप्रद जारीका लागि अनुमति दिइएको आयोगले जनाएको छ। 

कम्पनीको हालको चुक्ता पुँजी २ अर्ब ७५ करोड रुपैयाँ रहेको छ। प्रस्तावित एक करोड ८ लाख कित्ता हकप्रद सेयर निष्काशन पछि कम्पनीको चुक्ता पूँजी तीन अर्ब ८३ करोड रुपैयाँ पुग्नेछ। कम्पनीले हकप्रद मार्फत संकलन गरेको पूँजीलाई आयोजना निर्माणका लागि प्रयोग गर्नै पर्ने सर्त तोकिएको छ।