काठमाडौं- सुनको मूल्य घटेको छ। मंगलबार नेपाली बजारमा सुनको मूल्य प्रतितोला ३ सय रुपैयाँले घटेको हो। सोमबार ८९ हजार ३ सय रुपैयाँ प्रतितोलामा कारोबार भएको छापावाल सुनको मूल्य मंगलबारका लागि ८९ हजार रुपैयाँ कायम भएको छ।
त्यस्तै चाँदीको मूल्य पनि घटेको छ। सोमबार ११ सय ६० रुपैयाँमा कारोबार भएको चाँदीको मूल्य मंगलबार तोलामा ५ रुपैयाँले घटेर ११ सय ५५ रुपैयाँ तोकिएको नेपाल सुनचाँदी व्यवसायी महासंघले जनाएको छ।
