काठमाडौं- बजेट निर्माणमा अनाधिकृत व्यक्ति संलग्न गराएको विषयमा छानबीन नभएको भन्दै प्रमुख प्रतिपक्षी नेकपा एमालेले संसद बैठक बहिष्कार गरेको छ।
एमालेको अवरोधका बीच अर्थमन्त्री जनार्दन शर्मालाई बजेटमाथि उठेको प्रश्नहरूको जवाफ दिएसँगै एमाले सांसदहरूले संसद बैठक बहिष्कार गरेका हुन्।
एमालेले बजेट निर्माणमा अनाधिकृत व्यक्ति संलग्न गराएको भन्ने विषयमा संसदीय छानबिन समिति गठनका लागि माग गरेको छ। तर पनि अवरोधका बीच सभामुखले अर्थमन्त्रीलाई जवाफका लागि समय दिएका थिए। अर्थमन्त्रीको जवाफसँगै उनको कुरा सुन्नलायक नरहेको भन्दै एमालेले संसद बहिष्कार गरेको हो।
