काठमाडौं- सोमबार सुनको मूल्य तोलामा ३ सय रुपैयाँ घटेको छ। आइतबार नेपाली बजारमा छापावाल सुन प्रतितोला ९९ हजार २ सय रुपैयाँमा कारोबार भएको थियो। सोमबारका लागि छावापाल सुनको मूल्य प्रतितोला ३ सय रुपैयाँ घटेर ९८ हजार ९ सय रुपैयाँ कायम भएको छ।
चाँदीको मूल्य समेत प्रतितोला १५ रुपैयाँ घटेको छ। सोमबारका लागि चाँदीको मूल्य प्रतितोला १२ सय ६५ रुपैयाँ कायम भएको छ। आइतबार चाँदी प्रतितोला १२ सय ८० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।
