काठमाडौं- काठमाडौं महानगरपालिकाका नवनिर्वाचित मेयर बालेन्द्र साह (बालेन) ले पद तथा गोपनीयताको शपथ ग्रहण नेपाली भाषा र नेपाल भाषामा गरेका छन्।
सोमबार बिहान राष्ट्रिय सभागृहमा मुख्य निर्वाचन अधिकृत राजुकुमार खतिवडाले बालेनलाई शपथ ग्रहण गराएका हुन्।
नेपाली भाषामा शपथ ग्रहण गरिसकेपछि उनले नेपाल भाषामा पनि शपथको व्यहोरा वाचन गरेका थिए । मेयर साह शपथ ग्रहण समारोहमा दौरा सुरुवाल र भादगाउँले टोपी लगाएर सहभागी भएका थिए ।
बालेनले शपथ ग्रहण गरेपछि उनले उपमेयर सुनिता डंगोललाई शपथ ग्रहण गराएका छन्। सुनिताले नेपाल भाषामा शपथ ग्रहण गरिन्। मेयर बालेनले वडाअध्यक्ष र सदस्यहरूलाई शपथ खुवाएका छन्।
मेयर बालेन र उपमेयर सुनिताले आजै काठमाडौं महानगरमा पदभार सम्हाल्नेछन्।
