काठमाडौं- सरकारले रोजगारीबाट आय गर्ने आम्दानीमा करको सीमा बढाएको छ। सरकारले आर्थिक ऐन २०७९ मार्फत आयकरको सीमा बढाएको हो।

यसअघि अविवाहितको हकमा ४ लाख वार्षिक आयमा १ प्रतिशत आयकर तिर्नुपर्ने व्यवस्था थियो। अहिले ४ लाख रुपैयाँको सीमा बढाएर ६ लाख बनाइएको हो।

यसैगरी विवाहितको हकमा पहिले वार्षिक ४ लाख ५० हजार रुपैयाँसम्म आयमा १ प्रतिशत आयकर तिर्नुपर्ने थियो। तर अहिले यसको सीमा बढाएर ६ लाख रुपैयाँसम्मको हकमा १ प्रतिशत बनाइएको हो।

अविवाहितले वार्षिक कति कमाउँदा कति कर लाग्ने?

क) ५ लाख रुपैयाँसम्मको १ प्रतिशत 

ख) ५ लाख देखि ७ लाख रुपैयाँसम्म १० प्रतिशत

ग) ७ लाख देखि १० लाख रुपैयाँसम्म २० प्रतिशत 

घ) १० लाख रुपैयाँदेखि २० लाख रुपैयाँसम्म ३० प्रतिशत 

ङ) २० लाख रुपैयाँ भन्दा माथिको हकमा  घ  बमोजिम लागेको करमा थप २० प्रतिशत

विवाहितको हकमा 

क) ६ लाख रुपैयाँसम्म १ प्रतिशत

ख) ६ लाख देखि ८ लाख रुपैयाँमा १० प्रतिशत 

ग) ८ लाख देखि ११ लाख रुपैयाँसम्मको हकमा २० प्रतिशत

 घ) ११ लाखदेखि २० लाख रुपैयाँसम्मको हकमा ३० प्रतिशत

ङ) २० लाख रुपैयाँभन्दा माथिको हकमा घ  बमोजिम लागेको करमा थप २० प्रतिशत