काठमाडौं- सरकारकाे खर्च गर्ने बाटो खुलेको छ। राष्ट्रपतिबाट विनियोजन विधेयक प्रमाणीकरण भएसँगै गएको आठ दिनदेखि बन्द भएको सरकारको खर्चको बाटो खुलेको हो। भदाै ३१ गतेदेखि सरकारले गर्न पाउने खर्चमा प्रतिबन्ध लागेकाे थियाे।
संघीय संसदको दुवै सदनको बैठकबाट पारित भई प्रमाणीकरणको लागि पेश हुन आएको 'विनियोजन विधेयक, २०७८' नेपालको संविधानको धारा ११३ को उपधारा (२) बमोजिम प्रमाणीकरण भएको राष्ट्रपति कार्यालयले जनाएको छ।
बिहीबार नै राष्ट्रियसभा र प्रतिनिधिसभाबाट ‘विनियोजन विधेयक-२०७८’ बहुमतले पारित भएको थियो।
