काठमाडौं- नेपाल सरकारले ब्याज अनुदान दिने सहुलियतपूर्ण कर्जा चैतसम्म २ खर्ब १६ अर्ब ६ करोड प्रवाह भएको छ।
नेपाल राष्ट्र बैंकका अनुसार चैत मसान्तसम्म १ लाख ४५ हजार ६९३ ऋणीले सो कर्जा पाएका हुन्।
सरकारले यो अवधिमा १४ अर्ब ब्याज अनुदान दिएको छ।
उत्पादन वृद्धि, रोजगारी सिर्जनाका लागि भन्दै सरकारले यस्तो कर्जा स्किम ल्याएको छ। यो वर्षेनी सञ्चालन भइरहेको हुन्छ। उत्पादनमुलक क्षेत्रमा सस्तो वित्तीय पहुँच विस्तार होस भनेर यो स्किम ल्याइएको हो।
