काठमाडौं- सरकारले खाना पकाउने ग्यासको विस्थापनका लागि विद्युतको महसुल दरमा पुनरावलोकन गर्ने भएको छ।
संसदमा राष्ट्रपति विद्यादेवी भण्डारीले सरकारको नीति तथा कार्यक्रम प्रस्तुत गर्दै यस्तो घोषणा गरेकी हुन्।
विपन्न वर्गलाई नि:शुल्क विद्युत मिटर वितरण गर्ने घोषणासमेत नीति तथा कार्यक्रममार्फत सरकारले गरेको छ।
गत आइतबारमात्रै नेपाल आयल निगमले खाना पकाउने ग्यासमा प्रतिसिलिन्डर २ सय रुपैयाँ वृद्धि गर्दै १८०० रुपैयाँ बनाएको थियो।
सरकारले भान्सामा इन्डक्सन चुलो अभियानलाई समेत अगाडि बढाउने भएको छ।
