काठमाडौं- सरकारले आगामी आर्थिक वर्षदेखि तीनवटा आन्तरिक विमानस्थलमा आधुनिक तथा सुविधा सम्पन्न टर्मिनल भवनको निर्माण थालनी गर्ने भएको छ।
आगामी वर्षको नीति तथा कार्यक्रम प्रस्तुत गर्दै राष्ट्रपति विद्यादेवी भण्डारीले विराटनगर, नेपालगञ्ज तथा धनगढी विमानस्थलमा सुविधासम्पन्न टर्मिनल भवन बनाएर गुणस्तरीय हवाइ सेवाको प्रत्याभूति गरिने घोषणा गरेकी छन्।
विराटनगर र नेपालगञ्जको टर्मिनल बनाउनका लागि यसअघि नै अध्ययन भएपनि बजेट अभाव भन्दै सरकारले आयोजना अघि बढाएको थिइन।
आगामी वर्षदेखि धनगढीलाई थपेर निर्माणको काम अघि बढाउने भएको छ। यसका लागि बजेटमा व्यवस्था हुने छ।
