काठमाडौं- साताको अन्तिम दिन शुक्रबार नेपाली बजारमा सुनको मूल्य तोलामा १ हजार रुपैयाँ बढेको छ। बिहीबार ९६ हजार ३ सय रुपैयाँमा कारोबार भएको छापावाल सुनको मूल्य शुक्रबार तोलामा १ हजार रुपैयाँ बढेर ९७ हजार ३ सय रुपैयाँ कायम भएको हो।
त्यस्तै चाँदीको मूल्य १५ रुपैयाँ प्रतितोला बढेको छ। शुक्रबारका लागि चाँदीको मूल्य प्रतितोला १२ सय ७० रुपैयाँ तोकिएको छ। बिहीबार चाँदी प्रतितोला १२ सय ५५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।
