काठमाडौं- नेपाल आयन निगमले चुनावको भोलीपल्टै इन्धनको मूल्य बढाएको छ। शनिबार राति १२ बजेदेखि लागु हुने गरि डिजेल, पेट्रोल र मट्टितेलको मूल्य बढाएको हो।
निगमले डिजेल, पेट्रोल र मट्टितेलको मूल्य प्रतिलिटर १० रूपैयाँ बढाएको हो। अब पेट्रोलको मूल्य प्रतिलिटर १७० रुपैयाँ पुगेको छ भने डिजेल र मट्टीतेलको मूल्य १५३ रुपैयाँ प्रतिलिटर कायम भएको छ।
निर्वाचनका कारण नबढाइएको इन्धनको मूल्य निगमको सञ्चालक समितिको बैठकले शनिबार रातिदेखि लागु हुने गरि बढाउने निर्णय गरेको हो।
