काठमाडौं- साताको पहिलो दिन आइतबार सुनको मूल्य बढेको छ। शुक्रबारको तुलनामा आइतबार सुनको मूल्य तोलामा ६ सय रुपैयाँ बढेको छ। शुक्रबार ९८ हजार रुपैयाँ प्रतितोला कारोबार भएको सुनको मूल्य आइतबारका लागि ९८ हजार ६ सय रुपैयाँ कायम भएको छ।
त्यस्तै चाँदीको मूल्य पनि तोलामा ५ रुपैयाँ बढेको छ। आइतबारका लागि चाँदीको मूल्य प्रतितोला १२ सय ८५ रुपैयाँ तोकिएको छ। शुक्रबार चाँदी प्रतितोला १२ सय ८० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।
