काठमाडौं- नेपाल वायु सेवा निगममा कार्यकारी अध्यक्ष युवराज अधिकारीको कार्यकक्षमा कर्मचारीले ताला लगाएका छन्।
संस्कृति, पर्यटन तथा नागरिक उड्डयनमन्त्री प्रेम आलेले स्पष्टीकरण सोधको विषयको सूचना मिडियामा लगेको भन्दै अधिकारीले निगममा कार्यरत वरिष्ठ सहायक देवराज ओझालाई कार्यकक्षमा बोलाएर दुर्व्यवहार गर्दा कर्मचारी बेहोस भएका थिए।
सोही विषयलाई लिएर उनको कार्यकक्षमा ताला लगाउँदै राजीनामा माग गरिएको नेपाल वायुसेवा निगम कर्मचारी संघका अध्यक्ष मानबहादुर कुँवरले बताए।
बेहोस भएका कर्मचारीलाई अधिकारी आफैले आफ्नो गाडीमा हालेर अस्पताल लगेका थिए। अस्पतालमै कर्मचारीले अधिकारीलाई घेराउ गरेका थिए।
अधिकारी केही दिनअगाडि मात्रै ओझालाई आफ्नै कार्यकक्षमा बोलाएर जागिरसमेत खाइदिने धम्की दिएका थिए। फेरि आज दोस्रो पटक अधिकारीले उनलाई आफ्नै कार्यकक्षमा बोलाएर धम्की दिँदैगर्दा ओझा बेहोस भएका थिए।
मन्त्री आलेले अधिकारीलाई अनावश्यक मान्छे साउदी अरब उडानमा लगेको र निजी कम्पनीलाई जहाज भाडामा दिएको विषयमा स्पष्टीकरण सोधेका थिए।
सूचना चुहाएको भन्दै नेपाल एयरलाइन्सका अध्यक्षले दुर्व्यवहार गर्दा कर्मचारी बेहोस, लगियो अस्पताल
आफूलाई स्पष्टीकरण सोधेको सूचना चुहाएको भन्दै नेपाल एयरलाइन्सका अध्यक्षले 'कर्मचारीलाई थुने'
