काठमाडौं- सोमबार नेपाली बजारमा सुनको मूल्य तोलामा ८ सय रुपैयाँ घटेको छ। आइतबार ९९ हजार रुपैयाँ प्रतितोलामा कारोबार भएको छापावाल सुनको मूल्य सोमबारका लागि ८ सय रुपैयाँ घटेर ९८ हजार २ सय रुपैयाँ कायम भएको छ।
त्यस्तै चाँदीको मूल्य पनि तोलामा १० रुपैयाँ घटेको छ। सोमबारका लागि चाँदीको मूल्य प्रतितोला १२ सय ९० रुपैयाँ कायम भएको छ। आइतबार चाँदी प्रतितोला १३ सय रुपैयाँमा कारोबार भएको नेपाल सुनचाँदी व्यावसायी महासंघले जनाएको छ।