काठमाडौं- गौतमबुद्ध अन्तर्राष्ट्रिय विमानस्थलबाट काठमाडौंका लागि उड्ने तयारीमा रहँदा बुद्ध एयरको जहाजको टायर पड्किएको छ।
जहाजको टायर धावनमार्गकै टायर पड्किएपछि अरु उडान पनि केहीबेर अवरुद्ध भएको थियो। यात्रु तथा उडान दलका सबै सदस्य सकुशल रहेको बुद्ध एयरले जानकारी दिएको छ।
उडानका यात्रुलाई अर्को जहाजबाट काठमाडौं ल्याउने तयारी रहेको र जहाजको परीक्षण प्राविधिक टोलीले गरिरहेको बुद्धले जानकारी दिएको छ।
'भैरहवाबाट काठमाडौं उडान नं. ८५६, भैरहवा विमानस्थलमा जहाज रोलिङका क्रममा टायर फ्लायटका कारण यात्रुहरूलाई अर्को जहाजबाट काठमाडौं ल्याउन लागिएको छ । सो जहाजलाई टेक्निकल टिमले चेकजाँच गरिरहेको छ' बुद्ध एयरले ट्विटर मार्फत् जानकारी दिएको छ।
संसार देख्न अझै बाँकी रहेछ। पाइलट बिक्रम पौडेल भगवान् बने आज ।भैरहवाबाट रनवे छोड्न लाग्दा झन्डै संसार छोडिएछ ।
— Uma Subedi (@SubediUma2070) April 30, 2022
