काठमाडौ- वैशाख १० गते भद्रपुरबाट बेलुका सवा सात बजे काठमाडौं आएको जहाजमा १० हजार ८ सय अमेरिकी डलर भेटिएको छ। 

बुद्ध एयरको उक्त जहाजमा हाते झोलामा बेवारिसे अवस्थामा रहेको उक्त डलर भेटिएको थियो। जहाज सफाइका क्रममा भेटिएको उक्त डलर बुद्धले नेपाल नागरिक उड्डया प्राधिकरणको रोहबरमा नेपाल प्रहरीलाई बुझाएको छ। 

कुनै पनि यात्रुलाई उडानका लागि जहाजमा जानुभन्दा पहिला  यात्रुको हाते झोरा चेक हुन्छ। यो काम नेपाल प्रहरीको हो। यस्तो चेकिङका क्रममा झोलामा कुनै प्रतिबन्धित वस्तु भएमा जफत तथा यात्रुलाई पक्राउ गरिन्छ। 

विमानस्थलमा नेपाल प्रहरीको फितलो सुरक्षाले यसअघि यात्रुहरु लाइटरसहित पनि पक्राउ परिसकेका छन्। 

डललर कसले ल्याएको थियो भन्ने कुरा अहिलेसम्म पत्ता लागेको छैन।