काठमाडौं- गौतमबुद्ध अन्तर्राष्ट्रिय विमानस्थलमा उडान गर्नका अनुमति लिने पहिलो एयरलाइन्स जजिरा एयरवेज बनेको छ।
जजिराले गौतमबुद्ध अन्तर्राष्ट्रिय विमानस्थलबाट उडानका लागि अनुमति पाएको नेपाल नागरिक उड्डयन प्राधिकरणका महानिर्देशक प्रदीप अधिकारीले जानकारी दिए।
'हप्तामा तीन दिन उडान गर्नका लागि जजिराले उडान अनुमति लिएको छ' अधिकारीले भने। सोमबार, बुधबार र शुक्रबार उडान गर्नेगरी जजिराले अनुमति लिएको छ।
जेठ २ गतेदेखि नै उडान सुरू गर्ने उनको भनाइ छ। जजिराले अहिले काठमाडौंबाट उडान गरिरहेको छ।
