काठमाडौं- सरकारले गरेको निलम्बनविरूद्ध नेपाल राष्ट्र बैंकका गभर्नर महाप्रसाद अधिकारीले दिएको रिटमाथि सुनुवाइ सुरु  भएको छ। 

अधिकारीको रिटमाथिको सुनुवाइ सर्वोच्च अदालतका न्यायाधीश हरिप्रसाद फुयालको एकल इजलासमा हुने छ। यो रिटले अग्राधिकार पाएको छ। 

सरकारले दुई साताअघि असहयोग गरेको भन्दै छानवीन गर्ने निर्णय गरेको थियो। सर्वोच्च अदालतका पूर्वन्यायाधीस पुरुषोत्तम भण्डारीको नेतृत्वमा छानवीन समिति गठन भइसकेको छ। 

छानवीन गर्ने निर्णयपछि अधिकारी स्वत: निलम्बनमा परेका थिए। 

आफूलाई निलम्बन गर्ने सरकारको निर्णय कानूनअनुसार नभएको अधिकारीले रिट दर्ता गराएका थिए।