-min.gif)
पर्सा- प्रतिलिपि अधिकार ऐनविरूद्धको कसुर गरेको अभियोगमा वीरगंज महानगरपालिका-८ बस्ने अन्नपूर्ण मसला उद्योगका संचालक रोहित साह कानु पक्राउ परेका छन्।
बढी नाफा कमाउने उद्देश्यले अन्नपूर्ण मसला उद्योगका आफ्नो मसलाहरूमा चाटकर बिएमपी स्पाइसिज उद्योगको ट्रेडमार्क र डिजाइनर लेबल प्रतिलिपि दुरुपयोग गरेको आरोप उनीमाथि छ।
.gif)
वीरगंज महानगर तथा अन्य स्थानहरूमा उनले त्यस्ता मसला बिक्री बितरण गर्ने गरेको सूचनाको आधारमा जिल्ला प्रहरी कार्यालयबाट खटिएको प्रहरीले उक्त अन्नपूर्ण मसला उद्योगमा तलासी गर्दा चाटकर बिएमपी स्पाइसिज उद्योगको ट्रेडमार्क र डिजाईनर लेबलिङ गरेका मसला ६ सय ५४ पोका, कच्चा मसलाहरू १० बोरा, मसला पिस्ने मेसिन १ थान र चाटकर उद्योगको ट्रेडमार्क र डिजाइनर लेबलहरू बरामद गरी उनलाई पक्राउ गरेको हो।
.gif)
.jpg)
उनीउपर पर्सा जिल्ला अदालतबाट ५ दिन म्याद थप अनुमति लिइ प्रतिलिपि अधिकार ऐन, २०५९ अन्तर्गतको कसूरमा अनुसन्धान अगाडि बढाएको प्रहरीले जनाएको छ।
