काठमाडौं- सुनको मूल्य तोलामा पुनः एक लाख रुपैयाँ नाघेको छ। साताको पहिलो दिन आइतबार नेपाली बजारमा छापावाल सुनको मूल्य १ लाख ३ सय रुपैयाँ कायम भएको हो।
शुक्रबारको तुलनामा आइतबार सुनको मूल्य प्रतितोला ८ सय रुपैयाँ बढेको हो। शुक्रबार छापावाल सुन प्रतितोला ९९ हजार ५ सय रुपैयाँमा कारोबार भएको थियो।
त्यस्तै चाँदीको मूल्य पनि तोलामा १० रुपैयाँ बढेको हो। आइतबारका लागि चाँदीको मूल्य प्रतितोला १३ सय ६५ रुपैयाँ तोकिएको छ। शुक्रबार चाँदी प्रतितोला १३ सय ५५ रुपैयाँमा कारोबार भएको नेपाल सुनचाँदी व्यावसायी महासंघले जनाएको छ।
