काठमाडौं- पछिल्ला केही हप्ता निक्षेपको तुलनामा ऋणको वृद्धिदर केही मथ्थर देखिएपनि दोस्रो साता ट्रेन्ड बदलिएको छ।
वाणिज्य बैंकहरुले चैत ११ देखि १८ गतेको बीचमा जम्मा १ अर्ब निक्षेप थप गरेका छन्। जबकी यही समयमा ऋण भने पाँच अर्बले विस्तार भएको छ।
नेपाल बैंकर्स संघको तथ्यांक अनुसार चैत ११ गतेसम्म ४३ खर्ब ३० अर्ब निक्षेप रहेकोमा चैत १८ गते ४३ खर्ब ३१ अर्ब पुगेको छ।
त्यस्तै चैत ११ गतेसम्म ४१ खर्ब ७० अर्ब ऋण विस्तार भएकोमा चैतको १८ गतेसम्म बढेर ४१ खर्ब ७५ अर्ब पुगेको छ।
विदेशी मुद्रामा हुने ऋण विस्तार भने यो बीचमा १ अर्ब ऋण घटेको छ। विदेशी मुद्राको निक्षेप यो अवधिमा स्थिर रहेको छ।
