काठमाडौं- साताको अन्तिम दिन शुक्रबार सुनको मूल्य तोलामा ८ सय रुपैयाँ बढेको छ। बिहीबार नेपाल बजारमा छापावाल सुनको मूल्य प्रतितोला ९८ हजार ९ सय रुपैयाँमा कारोबार भएको थियो। शुक्रबार छापावाल सुन तोलामा ८ सय रुपैयाँ बढेर ९९ हजार ७ सय रुपैयाँ कायम भएको छ।
त्यस्तै चाँदीको मूल्य पनि तोलामा १० रुपैयाँ बढेको हो। बिहीबारको तुलनामा शुक्रबार चाँदी प्रतितोला १० रुपैयाँ बढेर १३ सय ६० रुपैयाँ कायम भएको छ। बिहीबार चाँदी प्रतितोला १३ सय ५० रुपैयाँमा कारोबार भएको नेपाल सुनचाँदी व्यावसायी महासंघले जनाएको छ।
