.jpg)
.gif)
.gif)
काठमाडौं- कर्णाली सरकारले आगामी आर्थिक वर्षका लागि ३५ अर्ब ३९ करोड रुपैयाँको बजेट ल्याएको छ।
.gif)
आर्थिक मामिला तथा योजनामन्त्री राजिवबिक्रम शाहले प्रदेशसभामा प्रस्तुत गरेको यो बजेट चालु आर्थिक वर्षको तुलनामा ७ प्रतिशत धेरै हो।
.gif)
.gif)
कुल विनियोजनमा ८ अर्ब ६० करोड चालुतर्फ र २० अर्ब ७४ करोड पुँजीगतमा खर्च हुने अनुमान सरकारले गरेको छ।
त्यस्तै वित्तीय व्यवस्थाका लागि ५० करोड विनियोजन गरेको सरकारले वित्तीय हस्तान्तरणका लागि ५ अर्ब ५४ करोड रुपैयाँ विनियोजन गरेको छ।
बजेटको स्रोतका रुपमा आन्तरिक आयबाट ८५ करोड, मौजदातबाट ६ अर्ब ४१ करोड, संघीय राजस्व बाँडफाँटबाट १० अर्ब ६६ करोड, वित्तीय समानीकरणबाट १० अर्ब ६३ करोड, सशर्त अनुदान ५ अर्ब ६७ करोड अनुमान गरिएको छ।
समपूरक अनुदान ६६ करोड ७८ लाख र विशेष अनुदानबाट ४८ करोड ५६ लाख व्यवस्थापन हुने सरकारको अनुमान छ।
