काठमाडौं- नेपाल निर्माण व्यवसायी महासंघले कोभिड लगायतका कारणले निर्माणका काम हुन नसकेकाले आयोजनाको म्याद एकमुष्ट थप गर्न माग गरेको छ। म्याद थप भएका र नयाँ आयोजनाले समेत काम गर्न नसकेकाले सबै आयोजनाको म्याद एकमुष्टमा थप हुनुपर्ने बताएको छ।
महासंघले मूल्यवृद्धिका कारण निर्माणको काम हुन सक्ने अवस्था नरहेकाले मूल्यवृद्धि निर्देशिका जारी गर्न सरकारसँग माग गरेको छ।
यीलगायत माग पूरा गर्न चैत २४ सम्मको समय महासंघले सरकारलाई दिएको छ। माग पूरा नभए त्यसपछि आन्दोलनमा जान बाध्य हुने महासंघले जनाएको छ।
निर्माणको काम गर्न सरकारले मूल्यवृद्धि निर्देशिका ल्याउनु पर्ने र त्यसो गर्न नसके निर्माण होलिडे घोषणा गर्न आफूहरूको माग रहेको महासंघका अध्यक्ष रवि सिंहले बताए।
