काठमाडौं- बुधबार नेपाली बजारमा सुनको मूल्य तोलामा ११ सय रुपैयाँ घटेको छ। मंगलबार १ लाख ३ सय रुपैयाँमा कारोबार भएको छापावाल सुनको मूल्य बुधबार तोलामा ११ सय रुपैयाँ घटेर ९९ हजार २ सय रुपैयाँ कायम भएको छ।
त्यस्तै चाँदीको मूल्य तोलामा २५ रुपैयाँ घटेको छ। बुधबारका लागि चाँदी प्रतितोला १३ सय ७० रुपैयाँ तोकिएको छ। मंगलबार चाँदी प्रतितोला १३ सय ९५ रुपैयाँमा कारोबार भएको नेपाल सुनचाँदी व्यावसायी महासंघले जनाएको छ।
