काठमाडौं- होटल याक एण्डका संस्थापक राधेश्याम सराफको निधन भएको छ।
भारतको नयाँ दिल्लीमा उपचारको क्रममा ९२ वर्षको उमेरमा सराफको निधन भएको पारिवारिक स्रोतले जानकारी दिएको छ।
नेपालको हस्पिटालिटी र शिक्षा क्षेत्रमा लगानी गरेका सराफले भारतमासमेत होटल साम्राज्य विस्तार गरेका थिए। भारतकै ठूला होटेलियर मानिने सराफले सन् १९७७ मा काठमाडौंमा याक एण्ड यति होटल स्थापना गरेका थिए।
सराफ होटल इन्टरप्राइज मार्फत् काठमाडौंमा याक एण्ड यति होटल स्थापना गरेका थिए। त्यसपछि एसियन होटल लिमिटेड मार्फत् उनले भारतको नयाँ दिल्लीमा हायात रिजेन्सी स्थापना गरेका थिए।
सन् १९९७ देखि काठमाडौंमा ह्यात रिजेन्सी होटल परियोजना सुरू गरेर सन् २००१ देखि सञ्चालनमा ल्याएका थिए। सरकारको समेत साझेदारीमा सराफले काठमाडौंमा ह्यात भित्र्याएका थिए।
