काठमाडौं- सुनको मूल्य फेरी तोलामा १ लाख नाघेको छ। सोमबारको तुलनामा तोलामा ८ सय रुपैयाँ बढेर सुनको मूल्य एक लाख नाघेको हो।
मंगलबारका लागि छापावाल सुनको मूल्य तोलामा १ लाख ३ सय रुपैयाँ कायम भएको छ। सोमबार छापावाल सुन प्रतितोला ९९ हजार ५ रुपैयाँमा कारोबार भएको थियो।
त्यस्तै चाँदीको मूल्य समेत तोलामा २० रुपैयाँ बढेको छ। मंगलबारका लागि चाँदीको मूल्य १३ सय ९५ रुपैयाँ तोकिएको छ। सोमबार चाँदी प्रतितोला १३ सय ७५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।
