काठमाडौं- राहदानी विभागले मंसिर १ गतेबाट ई-पासपोर्ट जारी गर्न सुरु गरेको थियो। विभागका अनुसार फागुन २५ अर्थात मार्च ९ सम्म ९२ हजार ४ सय ९ वटा ई-पासपोर्ट जारी भइसेको छ।

विभागले दिएको जानकारी अनुसरा अहिले ६३ जिल्लाबाट ई-पासपोर्ट बनाउने काम सुरु भएको छ। १४ वटा जिल्लाबाट मात्रै एमआरपी जारी भइरहेको छ।

बाँकी जिल्लाहरबाट पनि छिट्टै ई-पासपोर्ट जारी हुने विभागले जनाएको छ। विभागका अनुसार प्रदेश १, मधेश प्रदेश र बागमती प्रदेशका सबै जिल्लाबाट ई-पासपोर्ट जारी भइरहेको छ।

यसैगरी सुदूरपश्चिम प्रदेशको बाजुरा, बझाङ, बैतडी र दार्चुला बाहेक सबै जिल्लाबाट ई-पासपोर्ट जारीको काम सुरु भइसेको विभागको भनाइ छ। यसैगरी गण्डकी प्रदेशको मनाङ र मुस्ताङ बाहेक सबै जिल्लामा ई-पासपोर्टको सेवा पुगेको विभागले जनाएको छ।

साथै  लुम्बिनी प्रदेशको रुकुम पूर्व बाहेक सबै जिल्लामा सेवा पुगेको र कर्णाली प्रदेशको दैलेख, जाजरकोट, डोल्पा, जुम्ला, कालिकोट, मुगु र  हुम्ला बाहेकका जिल्लामा सेवा पुगेको विभागले जनाएको छ।