काठमाडौं- सरकारले चाडपर्व लक्षित सहुलियत मूल्य पसल सञ्चालन गर्ने भएको छ। खाद्य व्यवस्था तथा व्यापार कम्पनीले असोज १ गतेबाट सहुलियत मूल्य पसल देशभर सञ्चालनमा ल्याउने भएको हो। पसल कात्तिक २४ गतेसम्म सञ्चालन हुने भएको छ।
सहुलियत मूल्य पसल कम्पनीको उपस्थिति रहेका ३९ जिल्लाको ४३ ठाउँमा हुने छ। यसरी सञ्चालन हुने पसलमा सबै किसिमको चामल, गहुँ सबै किसिमको दाल, चिउरा आटा/पिठो, तोरीको तेल, सनफ्लावर तेलमा प्रति किलो/प्रति लिटर ५ रुपैयाँ र भटमासको तेलमा प्रति लिटर १० रुपैयाँ उपभोक्त्ताले छुट पाउने छन्।
यसैगरी, कर्णालीको सिमि/फापरको दानामा प्रति किलो १० रुपैयाँ र जिउँदो खसी/बोकामा प्रतिकिलो १० रुपैयाँ पाउने कम्पनीले जनाएको छ।
