काठमाडौं- यातायात व्यवस्था विभागले दसैंका लागि अग्रिम टिकट बुकिङ असोज दोस्रो सातादेखि खुलाउने प्रस्ताव गरेको छ। विभागले यातायात व्यवसायीहरुसँग छलफल गरेर टिकटको अग्रिम बुकिङ खुला गर्ने तयारी गरेको हो।

विभागले सरोकारवालाहरुसँग एक चरणको छलफल गरिसकेको जनाएको छ। कोरोना भाइरसका कारण अघिल्लो वर्ष दसैंमा सार्वजनिक याताया निक्कै कम चलेका थिए भने अग्रिम टिकट बुकिङ खुलाइएको थिएन। 

याे वर्ष असाेज २१ गतेदेखि दसै‌ सुरु हुँदै छ। विभिन्न उद्देश्यले काठमाडाै‌ सिहत सहरमा अस्थायी बसाेबस गर्दै ‌‍‍आएका मानिसहरु दसै‌ मान्न जन्मथलाे जाने गरेका छन्।

यो वर्ष कोरोना संक्रमण कम हुँदै गएको र यात्रुलाई दसैंमा गन्तव्य पुग्न सहज होस भनेर टिकट बुकिङ खुलाउने विषयमा छलफल थालिएको विभागका प्रवक्ता लोकनाथ भुसालले बताए। ‘पहिलो चरणमा व्यवसायीहरुसँग छलफल भइसकेको छ,’ उनले भने, ‘दोस्रो चरणको छलफलबाट कहिलेदेखि टिकट बुकिङ खुला गर्ने भन्ने विषय टुंगिन्छ होला।’ 

अग्रिम टिकट बुकिङको विषयमा विभागसँग पहिलो चरणमा छलफल भएको नेपाल यातायात व्यवसायी राष्ट्रिय महासंघका महासचिव सरोज सिटौलााले बताए। ‘अहिले नै अग्रिम बुकिङको विषय टुंगिएको छैन,’ सिटौलाले भने, ‘अर्को चरणमा छलफल गरेपछि मात्र कहिलेदेखि बुकिङ खोल्ने निर्णय हुनेछ।’ 

सरकारले केही समयअघि राष्ट्रिय स्तरमा वैज्ञानिक भाडा समायोजन गरेको भएपनि अन्तरप्रदेशमा समायोजन भएको छैन। व्यवसायीहरुले अन्तर प्रदेश भाडा समायोजनको माग समेत राखेका छन्।