काठमाडौं- नेपाल सरकारले एमसीसीका बारेमा अमेरिकी सरकारलाई पत्राचार गरेपछि नेपालस्थित अमेरिकी राजदूतावासले ट्वीट गरेर आफ्नो धारणा सार्वजनिक गरेको छ। एमसीसी हेडक्वाटरमा सरकारले पत्र पठाएपछि दूतावासले प्रष्टीकरण दिएको हो।

सरकारले एमसीसीका बारेमा केही प्रश्न सोधेको थियो। त्यसलगत्तै समाजिक सञ्‍जालमा विरोधसँगै सडकमै प्रदर्शन हुन थालेपछि दूतावासले एमसीसीका बारेमा हुने तथ्यगत बहसका पक्षमा आफूहरू रहेको प्रष्ट पारेको छ। 

'एमसीसी लगायतका कुनै पनि विषयमा हुने तथ्यमा आधारित सार्वजनिक बहस, छलफलका पक्षमा छौँ' दूतावासको आधिकारिक ट्वीटर ह्यान्डलबाट आएको ट्वीटमा उल्लेख गरिएको छ। 

सडकमा एमसीसीका विरुद्धमा प्रदर्शन हुन थालेपछि केही समयअघि गृहमन्त्रालयले विज्ञप्तिमार्फत कुनै पनि विदेशी सहायतामा सञ्चालित आयोजनाका विरुद्धमा प्रदर्शन नगर्न सचेत गराएको थियो। 

सरकारको विज्ञप्ति आएपछि अमेरिकी दबाब /प्रभावमा सरकारले सो विज्ञप्ती जारी गरेको आरोप लाग्दै आएको छ।