काठमाडौं- गत आर्थिक वर्ष २०७७/०७८ मा नेपालमा काम गर्नका लागि १ हजार ९० वैदेशिक कामदारले श्रम स्वीकृति लिएका छन्।
तर, वैदेशक कामदारको रुपमा भारतीय कामदारले भने नेपालमा श्रम स्वीकृत लिनु पर्दैन। यो तथ्यांकमा भारतीय कामदार भने जोडिएको छैन।
श्रम विभागमा अनुसार गत आर्थिक वर्षमै १ हजार ३ सय गैर नागरिको श्रम स्वीकृत नवीकरण भएको छ। विभाग अनुसार पुनः श्रम स्वीकृत लिने विदेशी कामदारको संख्या भने २७ हजार ६ सय ७ जना रहेका छन्।
विभागले सोही वर्ष ५ सय ३१ वटा श्रम विवाद मिलाएको जनाएको छ। विभागमा ८ सय १३ वटा व्यक्तिगत दाबी र सामुहिक दाबीको २ सय २३ वटा उजुरी परेका थियो।
