काठमाडौं- नेपाल उद्योग वाणिज्य महासंघकी पूर्वअध्यक्ष भवानी राणा 'एसियन म्यागनम अवार्ड २०२३' बाट सम्मानित भएकी छिन्। उनलाई वर्ल्ड बुक अफ रेकर्डले भारतको इन्दोरमा आयोजित एक कार्यक्रममा उक्त अवार्डबाट सम्मानित गरेको हो।
शनिबार राणाको संयोजकत्वमा भारतको मध्य प्रदेशका उद्योगी व्यवसायीसहित 'बिजनेश मिट' पनि सम्पन्न भएको छ।
नेपाल र मध्य प्रदेशबीच खाद्य प्रशोधन, मल, जडिबुटी, ठूला पूर्वाधार निर्माण सामाग्री र धार्मिक पर्यटनको क्षेत्रमा सहकार्य गरेर अगाडि बढ्न सकिने विषयमा बिजनेस मिट केन्द्रित रह्यो।
शनिबार आयोजित बिजनेस मिटको प्रमुख अध्यक्षता राणाले गरेकी थिइन्।