काठमाडौं- उपाय सिटी कार्गोले काठमाडौंमा मोटरसाइकल तथा स्कुटरबाट पनि ढुवानी सेवा दिने भएको छ। युकेएडको रोजगारीका लगि सिप कार्यक्रमको सहयोगमा यो सेवा सुरू गरेको हो। 

सहरभित्रका साना वस्तुको ढुवानी सस्तो र सहज हुने भएकोले सेवा सुरू गरिएको उपायले जानकारी दिएको छ। 

साना व्यवसायीका भारी सामानहरूको लागि मात्र नभइ साना वस्तुहरू र पार्सल डेलिभरीका लागि पनि ढुवानी सेवा सुरु गरिएको उपाय सिटीकार्गोका अध्यक्ष सुमन रायमाझीले बताएका छन्। 

यो कार्यक्रम अन्तर्गत उपायले २ हजार बढी ड्राइभरलाई डिजिटल साक्षरताको तालिम दिने छ। चालकहरूलाई अनलाइन प्ल्याटफर्म चलाउन तथा त्यसबाट सेवा लिन/दिन सहयोग पुग्ने कम्पनीको विश्वास छ। 

अनलाइनको माध्यमबाट कार्गो सेवा दिने उपायले  व्यक्ति र व्यवसायलाई  पिकअप र दुई पाङ्ग्रे चालकलाई जोड्ने छ।