काठमाडौं- यातायात व्यवस्था विभागले रोकिइको सवारी चालक अनुमति पत्र (लाइसेन्स) को परीक्षा सञ्चालनका लागि मापदण्ड ल्याएको छ। विभागले बिहीबार परीक्षा सञ्चालनसम्बन्धी मापदण्ड ल्याएसँगै रोकिएको लाइसेन्स परीक्षा लिन बाटो खुलेको हो।

गत बैशाखदेखि राकिएको सवारी चालक अनुमति पत्र (लाइसेन्स) को परीक्षा सञ्चालन हुने भएको छ। विभागले ‘कोभिड १९ संक्रमणको विशेष अवस्थामा सवारी चालक अनुमति पत्र परीक्षा (सञ्चालन तथा व्यवस्थापन) सम्बन्धी मापदण्ड २०७८’ स्वीकृत गरेको हो। 

बिहीबार स्वीकृत गरेको मापदण्ड स्वीकृत भएसँगै कार्यान्वयनमा आएको विभागले जनाएको छ। सरकारले तोकेको स्वास्थ्य सुरक्षा मापदण्ड लागु गराउन सक्ने गरि कार्यालयको जनशक्ति र परीक्षा सञ्चालनका लागि आवश्यक भवन र परीक्षा हलको उपलब्धताका आधारमा एक सिफ्टमा बढीमा १ सय जना परीक्षार्थीको परीक्षा गराउन सकिने मापदण्डमा उल्लेख छ। 

त्यस्तै एउटा कोठामा २५ जना परीक्षार्थी हरने गरि परीक्षा व्यवस्थापन गर्न सकिने विभागले जनाएको छ। मापदण्डमा विभागले परीक्षा केन्द्रमा उपस्थित हुने समय, पालना गर्नुपर्ने नियमको स्पष्ट व्यवस्था गरेको छ। 

लाइसेन्सको परीक्षा सञ्चालन गर्ने कार्यालयले खुल्ला ठाउँ भएको विद्यालय वा अन्य भवनलाई लिखित परीक्षाको लागि खोजी गरि प्रयोग गर्नुपर्ने व्यवस्था गरिएको छ। 

यस्तो छ मापदण्ड