काठमाडौं- आर्थिक वर्ष २०७८/७९ को दुई महिनामा नेपालीहरूले अध्ययन तथा भ्रमणका नाममा १० अर्ब रुपैयाँ विदेश लिएका छन्।
नेपाल राष्ट्र बैंकको तथ्याङ्कअनुसार नेपालीहरूले साउन र भदौ महिनामा अध्ययनका लागि भन्दै ६ अर्ब ३६ करोड ८४ लाख खर्चिएका छन्।
यही अवधिमा नेपालीहरूले ३ अर्ब ९१ करोड रुपैयाँ भ्रमणका नाममा खर्च गरेका छन्।
नेपालमा विदेशी मुद्राको सञ्चिति घट्न थालेपछि नेपाल राष्ट्र बैंकले भ्रमण सटहीमा कडाइ गरेको छ। असोजमा आएर केन्द्रीय बैंकले भ्रमण सटहीका लागि कडाइ गर्न बैंकहरूलाई निर्देशन दिइसकेको छ।