काठमाडौं- सामाजिक सुरक्षा कोषले रोजगारदाता र योगदान कर्तालाई साउनदेखि दाखिला गर्नु पर्ने रकम कानुन अनुसार नियमित गर्न आग्रह गरेको छ।
कोषले आर्थिक वर्ष २०७८/७९ को बजेटमा उल्लेख भएको व्यवस्था अनुसार सरकारले जेठ र असार महिनाको रोजगारदाता र योगदानकर्ताले जम्मा गर्नुपर्ने योगदान रकम नेपाल सरकारले केही समयमा व्यहोर्ने समेत जनाएको छ।
साउन महिनादेखिको योगदान रकम कानुन बमोजिम नियमित गर्ने भन्दै सूचना जारी गरेको छ। रकम जम्मा नभएको अवस्थामा कोषबाट पाउने सुविधा लिन नपाउने कोषले जानकारी गराएको छ।
सरकारले २०७८ को जेठ र असार महिनाको रोजगारदाता र योगदान कर्ता दुबैले दाखिला गर्नु पर्ने रकम भुक्तानी गर्ने निर्णय गरेको थियो।
