काठमाडौं- वाणिज्य, आपूर्ति तथा उपभोक्ता संरक्षण विभागले एकै पटकमा आधा दर्जन ब्रान्डका उपभोग्य मिति सकिएका बियर बजारबाट नियन्त्रणका लिएको छ।

विभागको अनुगमन टोलीले  निरिक्षण गर्ने क्रममा सुरक्षित उपभोग्य अवधि सकिएका टुवोर्ग, मुस्ताङ, काल्सवर्ग, नेपाल आइस, बडवाइजर र गोर्खा ब्राण्डका बियर नियन्त्रण लिँदै कारबाही प्रक्रिया सुरु गरेको छ।

विभागले  करिब ३५५ कार्टुन नियन्त्रणमा लिई कारवाहीको प्रक्रिया अगाडि बढाएको जनाएको छ। काठमाडौंका विभिन्न स्थानमा रहेको गोदामबाट करिक १३ लाख १० हजार रुपैयाँ मुल्य बराबरका बियस नियन्त्रणमा लिएको हो।

विभागले काठमाडौं सिनामंलगमा रहेको संस्कार ट्रेडर्स प्रालिको गैहिगाँउस्थित गोदाममा भण्डार गरिरहेको १३ लाख ९० हजार रुपैयाँ बराबरको बियर नियन्त्रणका लिएको जनाएको छ।

यसैगरी  सुरक्षित उपभोग्य अवधी सकिएका टुवोर्ग, सानमिगेल, गोर्खा प्रिमियम र काल्सबर्ग ३०२ कार्टुन बियर सिनामंगलस्थित सिकेट्रेडिङ प्रालिको गोदाममा भण्डार गरिरहेको अवस्थामा निरीक्षण टोलीले फेला पारी नियन्त्रणमा लिई कारवाहीका लागि सिलबन्दी गरिएको विभागले जनाएको छ।

उल्लिखित परिमाणको बियरको बजार मूल्य करिब ८ लाख ७५ हजार पर्ने देखिएको विभागले जनाएको छ। विभागका अनुसार २ वटा गौदाममा सिलबन्दी गरिएका बियरको मूल्य करिब २२ लाख ६५ हजार पर्ने देखिएको जनाएको छ।

म्याद गुज्रिएको टुबाेर्ग बियर गाउँगाउँमा सामान्य पेय बन्दैछ बियर तर, गुणस्तरको मापदण्ड खोइ?