.gif)
.gif)
काठमाडौं- प्रदेश १ सरकारले प्रदेश भित्र सञ्चालन हुृने सार्वजनिक सवारीसाधनको भाडा समायोजन गरेको छ। बुधबार सूचना जारी गर्दै प्रदेश १ को भौतिक पूर्वाधार विकास मन्त्रालयले भाडा समायोजना भएको जनाएको छ।
यातायात व्यवस्था विभागले गएको असार २९ गते राष्ट्रिय राजमार्गमा सञ्चालन हुने सवारीसाधनको भाडा समायोजन गरेको थियो । विभागले स्थानीय रुपको भाडा समायोजनको जिम्मा भने प्रदेश सरकारलाई दिएको थियो।
प्रदेश सवारी तथा यातायात व्यवस्था ऐन २०७४ को दफा ९४ र प्रदेश सवारी तथा यातायात व्यवस्था नियमावली २०७७ बमोजिम भाडा तय गरिएको मन्त्रालयले जनाएको छ। २०७५ असोज ७ मा यातायात व्यवस्था विभागबाट कायम भएको भाडा दरमा समायोजन गर्दै यात्रुबाहक सवारीमा २२ प्रतिशत भाडा बढाइएको छ।
त्यस्तै पहाडी बाटोमा सञ्चालन हुने मालबाहक सवारीमा १६.५ प्रतिशत र तराईको बाटोमो सञ्चालन हुने मालबाहक सवारीमा २३ प्रतिशत भाडा बढाइएको मन्त्रालयले जनाएको छ।
