काठमाडौं- काठमाडौंमा धारामा पानी आए नआएको तथा खानेपानी सम्बन्धी कुनै समस्या आएमा अनलाइन मार्फत् गुनासो तथा जानकारी गराउन सकिने भएको छ।
काठमाडौं उपत्याका खानेपानी लिमिटेडले उपभोक्ताका लागि अनलाइन सेवा सुरु गरेको हो।
धारामा पानी नआएको, पानी वितरण तालिका, खानेपानी चुहावट भएको, पानी गुणस्तर परीक्षण, ट्यांकर सेवा, ढल जाम भएको, आदि सम्बन्धी गुनासो वा सुझाव वेबसाइट वा मोबाइल एपबाट दिन सकिने भएको छ।
कम्पनीको वेवसाइट kathmanduwater.org मा गइ उक्त प्रणाली उपयोग गर्न सकिने छ।
