काठमाडौं- नेपाली सुनचाँदी बजारमा शुक्रबार छापावाल सुनको मूल्य अघिल्लो कारोबार दिनका तुलनामा प्रतितोला ६ सय रुपैयाँले बढेर १ लाख ३ सय रुपैयाँ पुगेको छ। बिहीबार प्रतितोला ९९ हजार ७ सय रुपैयाँमा सुनको कारोबार भएको थियो।
नेपाल सुनचाँदी व्यवसायी महासंघले सार्वजनिक गरेको विवरणअनुसार शुक्रबार तेजाबी सुनको मूल्य प्रतितोला ९९ हजार ८ सय रुपैयाँ छ। यसको मूल्य अघिल्लो दिन प्रतितोला ९९ हजार २ सय रुपैयाँ थियो।
त्यस्तै चाँदीको मूल्य अघिल्लो कारोबार मूल्यका तुलनामा शुक्रबार प्रतितोला ३० रुपैयाँले बढेर १ हजार ३ सय ९० रुपैयाँ पुगेको महासंघले जनाएको छ।
