काठमाडौं- नेपाल वायुसेवा निगमले चार्टर उडानमार्फत अफगानिस्तानमा अलपत्र नेपालीको उद्दार गर्ने भएको छ। निगमले एयरवस ३२० जहाज मार्फत उडान गर्न लागेको हो।
निगमले भदौ ११ गते चार्टर उडानमा काबुल जाने बुकिङ भएपछि निगमले परराष्ट्र मन्त्रालयको अनुमति मागेको छ। दुबईको फ्रिको एफजेड कम्पनीले चार्टर बुकिङ गरेको छ। उक्त उडानमार्फत एक सय जना नेपालीलाई स्वदेश फर्काइने निगमले जनाएको छ।
निगमका अनुसार यो चार्टर उडानका लागि अगस्ट २७ को बुकिङ छ। यसअघि पनि निगमको जहाजले अफगानिस्तानतर्फ चार्टर उडान गरिसकेको छ। यसअघि दुर्घटनामा परी मृत्यु भएका नेपालीको शव लिनका लागि निगमको जहाजले काबुलको उडान गरेको थियो।
